Türkiyə Suriya türkmənləri məsələsini BMT Təhlükəsizlik Şurasına çıxarır.

Türkiyə Suriya türkmənlərinin vəziyyətini müzakirə etmək üçün BMT Təhlükəsizlik Şurasının iclasının keçirilməsini təklif edib.

Bu barədə “Reuters” agentliyi Türkiyə Baş Nazirliyindəki mənbəyə istinadən məlumat yayıb.

Məlumata görə, baş nazir Əhməd Davudoğlu məsələni bir çox rəsmilərlə müzakirə edib. Həmçinin xarici işlər naziri Firidun Sinirlioğlunun ABŞ dövlət katibi Con Kerri ilə telefon danışığı olub.

Qeyd edək ki, ötən həftə Rusiyanın Suriyada həyata keçirdiyi hava hücumları zamanı İŞİD deyil, Turkmən dağındakı türkmənlər hədəfə alınıb. Bundan sonra Rusiyanın Ankaradakı səfiri Xarici İşlər Nazirliyinə çağırılıb.

Bizimtv