Komputer sisteminin gecikməsi onlarla təyyarə reysini ləngidib

ABŞ hava limanlarında Daxili Təhlükəsizlik Nazirliyinin sərnişinlərin uçuş öncəsi yoxlamasını aparan kompüter sistemində baş verən nasazlıq səbəbindən onlarla aviareys gecikib.

Bizim.Tv "AZƏRTAC"-a istinadla xəbər verir ki, Vaşinqtonun ən iri beynəlxalq aeroportunun rəhbərliyi gömrük və sərhəd nəzarəti sistemində nasazlığın baş verdiyini qeyd edib. Bundan başqa Nyu-York, Boston, Dallas, Şimali Karolina və Baltimor aeroportlarında da problemlər yaşandığı bildirilir. Nəticədə bəzi aviareyslər gecikib, sərnişinlər yoxlamadan keçərkən uzun növbələr yaranıb. Son məlumata görə, kompüter sistemindəki nasazlıq saat yarım davam edib və hazırda tam olaraq aradan qaldırılıb. Hava limanlarında iş rejimi tədricən axarına qayıdır.

ABŞ Daxili Təhlükəsizlik Nazirliyi yaranmış vəziyyəti hələ ki, şərh etməyib