İnsan orqanlarına bənzər meyvələrin – FAYDALARI

​Bəzi meyvələrin insan bədənindəki orqanlara bənzədiyinin fərqinə varmısınızmı? Üstəlik, bu meyvələrin bənzədiyi orqanlara faydalı olduğunu desək, təəcüblənərsinizmi? Üzüm: Üzüm salxımı ürək şəklindədir. Hər bir üzüm dənəsi qan hüceyrəsi kimi görünür. Araşdırmalar zamanı məlum olub ki, üzüm ürək və qanı canlandıran meyvədir. Çiyələk: Ürək şəklində olan çiyələk ürək və damar sağlamlığı üçün çox önəmli meyvədir. Eyni zamanda tərkibində olan salisil turşusu dərinin formalaşmasını nizamlayır, ağrıkəsici, qızdırma salıcı və müalicə edici xüsusiyyətlərə də malikdir. İnnab: Qüvvətli bir antioksidandır. Çünki tərkibində çox güclü C vitamini var. Ən böyük xeyri isə qaraciyərə olan təsiridir. İnnabın tərkibində olan antioksidanlar qaraciyəri qoruyur və qaraciyərin özünü yeniləməsini təmin edir. Kök: Kök dilimi insan gözünə oxşayır. Elmi təcrübələr kökün gözlərin qan dövranını və funksiyasını yaxşılaşdırdığını sübut edib. Heyva: Mədə və həzm sistemi problemlərinə yaxşı təsir edir. Hər gün yeyilən yarım heyva qrip olma riskini azaldır.