Neftin qiyməti gələn il “60-70" dollara çata bilər.

Rusiyanın energetik naziri Aleksandr Novak gələn il neft qiymətlərinin 60-70 dollara çata biləcəyini deyib.

"Artıq gələn qiymətlər bir barrelə 60-70 dollara qalxa bilər... Orta qiymətlər uzun perspektivdə 50 dollar olacaq ", - Rusiya rəsmisi Soçi-2015 Beynəlxalq İnvestisiya Forumunda bildirib.

Bu arada LUKOİL neft şirkətinin vitse-prezidenti daha opitimistik proqnozla çıxış edib.

Leoinid Fedun qiymətlərin 80 və hətta 100 dollara çatacağını deyib.

Rusiya maliyyə nazirinin müavini Maksim Oreşkin hesab edir ki, neft qiymətləri 5-dən 7 ilədək hazırkı 40-60 dollar radələrində qala bilər.

Cümə günü London birjasında Brent markalı neftin qiyməti 48,13 dollar olub.